पूर्वाञ्चलमै पहिलोपल्ट नयाँ रोगी फेला, लाइफगार्ड अस्पतालद्वारा सफल उपचार गरेको दाबी

विराटनगर, भदौ ६ गते । पूर्वाञ्चलमा पहिलोपल्ट नयाँ विमारी फेला परेको र लाइफगार्ड अस्पतालले सफल उपचार गरेको आज पत्रकार सम्मेलन गरी जनाएको छ ।
झापा विर्तामोड निवासी ३३ वर्षीया इन्दु रानालाई टाउको दुख्ने, ज्वरो आउने, खुट्टा सुन्निने, बेहोसी र बेसुरको कुरा गर्न थालेपछि लाइफ गार्ड अस्पतालमा भर्ना गरिएको थियो । लाइफगार्ड अस्पतालका डाक्टर अस्मितानन्द ठाकुरको टोलीले बिमारीको रिपोर्ट हेर्दा द्यचगअभििब ब्दयचतगक ब्लतष्नभल उयकष्तष्खभ भेटिएको थियो । विरामीलाई अन्तिम अवस्थामा अस्पतालमा भर्ना गरिए पनि उपचार सफल भएको चिकित्सकले बताएका छन् ।
यो रोग पूर्वाञ्चलमा पहिलो पटक भेटिएको र विरलै मात्र यस्तो रोग देखिने चिकित्सकको भनाई छ । विमारीको अवस्था अहिले सुधारोन्मुख र खतरामुक्त रहेको अस्पतालको भनाई छ ।
२०६२ सालमा १५ शैयाको अस्पताल सञ्चालनको अनुमति प्राप्त लाइफ गार्ड डाइग्नोसिस एण्ड प्याथोलोजी सेन्टरको नाममा स्थापित अस्पतालले अहिले आएर ५० शैयाको सञ्चालन अनुमति प्राप्त गरी एक सय शैयामा सञ्चालन गरिरहेको छ ।
पत्रकार सम्मेलन अस्पतालका डा. कैलाश श्रेष्ठको अध्यक्षतामा सम्पन्न भएको थियो ।