पटाका बरामद

कार्तिक ४ गते।
सुनसरी इटहरी उपमहानगरपालिका ८ गोल्डेन चौकबाट बुधबार विहान पटाकासहित एक जना पक्राउ परेका छन्। इलाका प्रहरी कार्यालय ईटहरीको गस्ती टोलीले बिहान ७ बजे मोरङ बनिगाउँ बस्ने बद्रि नारायण चौधरीलाई एक हजार पिस कोब्रा नाम गरेको पटाकासहित पक्राउ गरिएको हो।

गाडी मोवायल टोलीले साइकलमा सवार चौधरीको झोला चेकजाँच गर्दा पटाका बरामद भएको हो। बरामद पटाकासहित चौधरीलाई इलाका प्रहरी कार्यालय इटहरीमा राखि थप अनुसन्धान भइरहेको छ।

त्यसैगरी मोरङको विराटनगर २१ स्थित जोगबनी नाकाबाट बुधबार साँझ इलाका प्रहरी कार्यालय रानीको टोलीले अन्दाजी चार हजार मूल्य बराबरको पटाका बरामद गरेको छ।