वृद्धाश्रमलाई एक समारोहका वीच भवन हस्तान्तरण

विराटनगर, २२ असोज । विराटनगरको विराटेश्वर वृद्धाश्रमलाई एक समारोहका वीच भवन हस्तान्तरण गरिएको छ ।
गत असोज १२ गते उद्घाटन गरिएको भवन आज हस्तान्तरण गरिएको हो । लायन्स क्लव अफ विराटनगर सेन्ट्रलका अध्यक्ष पुष्पराज वस्नेत, लायन्स क्लव अफ शुभमकी अध्यक्ष सपना रिजाल र विराटेश्वर वृद्धाश्रमका अध्यक्ष जगतप्रसाद अज्र्यालवीच भएको सम्झौता भए अनुसार भवन हस्तान्तरण गरिएको हो ।

हस्तान्तरण कार्यक्रममा लायन्स क्लव डिष्ट्रिक ३२५ ए वानका प्रथम भाईस गर्भनर लीला ढुुङ्गेल, को चिफ एड्भाईजर राजन श्रेष्ठ, डिष्ट्रिकका पदाधिकारी तथा सवै लायन्स क्लवका पदाधिकारीहरुको उपस्थिति रहेको थियो ।

अन्र्तराष्ट्रिय लायन्स क्लवको १ करोड र स्थानीय लायन्स क्लवको श्रोतवाट ५० लाख संकलन गरि १४ कोठे भवन १ करोड २५ लाखमा भवन निर्माण गरिएको हो । वृद्धाश्रममा पलङ, खाट तथा भान्साको सामान करिव २५ लाखको हस्तान्तरण गरिएको छ ।

यसैवीच भवन हस्तान्तरणको अवसरमा बृद्धाश्रमका वृद्धवृद्धालाई फलफूल तथा खिर वितरण गरिएको थियो ।