मैत्रीपूर्ण फुटसलमा चिकित्सक विजयी

विराटनगर, मंसिर २ गते।
जेसिज सप्ताह अन्तरगत आज विराटनगरका चिकित्सक र जेसिज वीचको मैत्रीपूर्ण फुटसल प्रतियोगिता सम्पन्न भएको
छ ।

प्रतियोगितामा विराटनगर जेसिजलाई ४–५को गोल अन्तरले पछिपार्दे चिकित्सक टोलि बिजेता घोषित भएको हो । विजेता टोलिका डा. रविन श्रेष्ठले २ गोल गर्दे उत्कृष्ट खेलाडी घोषित भएका थिए ।

उपबिजेता टोलिवाटा मिलाप कर्ण ,टिपी आचार्य,मिलन पौडेल र अमित चौधरीले एक एक गोल गरेका थिए । खेलको कोशिअञ्चल अस्पतालका सुपरिटेन्डेन्ट रोशन पोखरेल,विराटनगर जेसिजकी अध्यक्ष भगवती कालिकोटेले सम्युक्तरुपमा उद्घाटन गर्नु भएको थियो ।

सप्ताह ब्यापी कार्यक्रम अन्तरगत जेसिजले शान्तिका लागि पदयात्रा,किशोरीहरुका लागि महिनाबारी सचेतना तथा न्यानो कपडा वितरणका कार्यहरु समेत गरेको कार्यक्रम संयोजक प्रदिप दाहालले जानकारी दिनु भयो ।

कार्यक्रममा जेसी मिलन पौडेल,राजेन्द्र थपलिया,देबचन्द्र घिमिरे लगायतको सहभागिता रहेको थियो ।