आगलागीमा परी एक बालकको ज्यान गयो

बिराटनगर, कात्तिक २० गते ।
भोजपुर जिल्लाको पश्चिमी लेखर्क गाविस ५ मा आगालागीमा परी एक बालकको ज्यान गएको छ । आगालागीमा परि मणिराज चौलागाईकोे ४ वार्षिया बालक मनिष चौलागाईको ज्यान गएको जिल्ला प्रहरी कार्यालय भोजपुरले जनाएको छ ।

शनिवार विहान ११ वजे तिर मणिराज चौलागाईको काका प्रकाश चौलागाईको ग्वालीमा कोही नभएको समयमा मनिषले लाइटर खेलाउँदा परालमा आगो लागेको जिल्ला प्रहरी कार्यालय भोजपुरले जनाएको छ ।

आगो सल्केपछि ग्वालीको भुई तलामा लुक्दा छाना खसेर मनिषलाई आगोले छोपेको प्रहरीले जनाएको छ । मृतका बाबुआमा घरमा नभएको समयमा सो घटना भएको बताइएको छ ।