आगलागीबाट एक घरमा क्षति

सोलुखुम्बु, मंसिर ७ गते।
सोलुखुम्बुको सोताड गाविस २ स्थित  नन्दराज राइको घरमा सोमबार दिउँसो आगलागी हुँदा डेढ लाख बराबरको क्षति भएको छ।

राईको भान्सा घरबाट दिउँसो १ बजेतिर  अचानक आगोल सल्किएर आगलागी भएको हो। आगलागीबाट उनको घर तथा घरभित्र भएको लत्ताकपडा, भाडावर्तनहरु  जलेर क्षति भएको बताइएको छ। आगलागी इलाका प्रहरी कार्यालय सोताङबाट खटिएको प्रहरीको टोली र स्थानिय मानिसको सहयोगमा नियन्त्रणमा लिएको छ।

त्यस्तै झापाको बाहुनडागी-६ बौदमोड स्थित देवलाल अधिकारीको दुईवटा धानको कुन्युमा सोमबार साँझ अचानक आगलागी भएको छ। आगलागीबाट उनको दुई वटा कुन्यमा थुपारेको धान जल्दा अन्दाजी एक लाख पचास हजार बराबरको क्षति भएको छ।