पत्रकारहरू दुर्वव्यहार

बिराटनगर, मङ्सिर १२ गते ।
छिन्नमस्ता भगवती मन्दिरमा शनिबार योगगुरु स्वामी रामदेवबारे समाचार सङ्कलनमा गएका पत्रकारलाई सप्तरीका प्रहरी उपरीक्षक दिवेश लोहनीले दुर्वव्यहार गर्दै कुटपिट गरेको जनाई पत्रकारले उनको सरुवाको माग गरेका छन् ।

नेपाल पत्रकार महासङ्घ सप्तरीका कावा अध्यक्ष श्रवणकुमार देवको नेतृवमा गएको पत्रकारको टोलीले आज प्रजिअ बलदेव गौतमलाई ज्ञापनपत्र बुझाउँदै सार्वजनिक महत्व, विकासनिर्माण, सुव्यवस्था कायम लगायत विषयमा सकारात्मक सूचना प्रवाह गर्ने सञ्चारकर्मीमाथि जिल्ला प्रहरी कार्यालयका प्रमुख लोहनी आफैँले पत्रकारमाथि गरेको दुव्र्यवहारप्रति भत्र्सना गर्दै ४८ घन्टाभित्र उनको सरुवा माग गरेको छ ।यसैबीच प्रेस मञ्च सप्तरी लगायत एक दर्जन विभिन्न सङ्घसंस्थाले समेत उक्त घटनाको भत्र्सना गरेका
छन् ।