कुखुरा फारममा आगलागी, १५ लाख ८० हजार बराबरको क्षति

सुनसरी, मंसिर ३ गते।
सुनसरीको भरौल-३ दल बहादुर राईको कुखुरा फारममा विहीबार विधुत सर्ट भइ आगलागी भएको छ। राती ११ बजेतिर फारमको विधुत सर्ट भइ अचानक लागेको आगोले उनको ३०० वटा कुखुराको चल्ला जलेर मरेका छन भने टिनको छानो भएको एकतले भन्साघर त्यस भित्र रहेको सम्पूर्ण सासमान समेत जल्दा १५ लाख ८० हजार बराबरको क्षति भएको बताइएको छ।

आगलागी स्थानिय प्रहरी, स्थानिय मानिस तथा दमकलको सहयोगमा नियन्त्रणमा लिएको इलाका प्रहरी कार्यालय महेन्द्रनगरले जनाएको छ। त्यस्तै   तेह्रथुमको चुहानडाँडा-५ स्थित एक घरमा विहीबार आगलागी हुँदा १ लाख ५० हजार बराबरको क्षति भएको छ। दिँउसो १२ बजेतिर भन्साकोठाबाट अचानक सुरु भएको आगोले उनको घर तथा घर भित्र रहेको सम्पूर्ण सामान समेत जल्दा १ लाख ५० हजार बराबरको क्षति भएको बताइएको छ। आगालागी स्थानिय प्रहरी र स्थानिय मानिसको सहयोगमा नियन्त्रणमा लिएको प्रहरी चौकी चुहानडाँडाले जनाएको छ।