विधुत चोरीमा संलग्न १० जना पक्राउ

सप्तरी, मङसिर २ गते।
सप्तरीको बिभिन्न स्थानबाट प्रहरी र बिधुत प्राधिकरणको टोलीले बिधुत चोरीमा संलग्न १० जनालाई नियन्त्रणमा लिएको छ।

 पक्राउ पर्नेमा सप्तरी राजविराज- ५ बस्ने धिरेन्द्र कुमार ईशर, मोहमद हैदर अली, जाकिर हुसेन, श्रिलाल सुतिहार, लखन यादव, अशोक कुमार यादव, सामिर, मोहमद ईव्राहीम, मोहमद मोहिम,  किशनलाल मण्डल रहेका छन्।

 उनीहरुलाई जिल्ला प्रहरी कार्यालय सप्तरी र  बिधुत प्राधिकरण शाखा राजविराजबाट खटिएको अनुगमन टोलीले बुधबार  विहान ११ बजेतिर  हुकिङ गरी बिधुत चोरी गर्दै गरेको अवस्थामा पक्राउ गरेको हो।

 पक्राउ परेकाहरु उपर बिधुत प्राधिकरणबाट बिधुत चोरी ऐन मुद्दा अन्तरगत कारवाही शुरु गरिएको जिल्ला प्रहरी कार्यालय सप्तरीले जनाएको छ।