ठूलो परिमाणमा लागूऔषध कोरेक्ससहित दुई पक्राउ

सप्तरी, मंसिर १७ गते।
सप्तरीमा प्रहरीले ठूलो परिमाणमा लागूऔषध कोरेक्ससहित दुई जनालाई पक्राउ गरेको छ।

चार सय बोतल लागूऔषध कोरेक्ससहित हनुमानगर योगिनीमाई -४ का सिताराम चौधरी र जगदिस सदालाई पक्राउ परेका हुन्।

उनीहरु भारतीय बजारबाट कोरेक्स बोकेर आउदै थिए। उनीहरुलाई बुधबार राती पौने नौ बजे इलाका प्रहरी कार्यालय हनुमानगरबाट खटिएको टोलीले हनुमाननगर योगिनीमाई नगरपालिका ८ मा रोकेर चेकजाँच गर्दा लागूऔषध बरामद भएको थियो।

दुबैलाई बिहिबार लागूऔषध ओसार पसार अन्तरगत मुद्दा दर्ता गरी कारवाही शुरु गरिएको को जिल्ला प्रहरी कार्यालय सप्तरीले जनाएको छ।

यता इलाका प्रहरी कार्यालय महुली सप्तरीको टोलीले बिहिबार बिहान बकवा २ स्थित बिभिन्न व्यक्तिहरुको करेसाबारीमा उम्रिएको ७५ बोट गाँजा नष्ट गरेका छन्।