.gif)
विराटनगर, पुस ७ गते।
सातौं राष्ट्रिय खेलकुद भोलिदेखि पूर्वाञ्चलमा शुरु हुन गइरहेको छ ।
राष्ट्रपति विद्यादेवी भण्डारीले साताव्यापी जारी रहने सो प्रतियोगिताको भोलि विराटनगरको शहीद रङ्गशालामा भव्य समारोहबीच उद्घाटन गर्नुहुने भएको छ ।
यस सम्बन्धमा आज युवा तथा खेलकुदमन्त्री दलजीत श्रीपाइलीले प्रतिभावान खेलाडीको खोजीमा सातौं राष्ट्रिय खेलकुदले महत्वपूर्ण भूमिका निर्वाह गर्ने बताउनुभएको छ ।
उहाँले सन् २०१९ मा नेपालमा हुने सार्क खेलकुदमा उत्कृष्ट प्रदर्शन गर्ने खेलाडीहरु छनोट हुने विश्वास व्यक्त गर्नुभयो ।
उहाँले यस प्रतियोगितामा एक हजार ३५ पदकका लागि तीन हजार ९७२ जना खेलाडीको सहभागिता रहने जानकारी गराउनुभयो ।
सो अवसरमा खेलमा सहभागी खेलाडी र प्रशिक्षकलगायतको आउने क्रम जारी र सवै तयारी पुरा भइसकेको आयोजक समितिले जानकारी गराएको छ ।
सातौं राष्ट्रिय खेलकुदअन्तर्गत विभिन्न ३५ खेलमा २९४ स्वर्ण,२९४ रजत र ४४७ कास्य गरी एक हजार ३५ पदकका लागि प्रतिस्पर्धा हुनेछ ।
Post a Comment