पाँचथरमा मिनि ट्रक दुर्घटना, एक जनाको मृत्यु

पाँचथर, मंसिर १८ गते।
मेची राजमार्ग अन्तरगत पाँचथरको भारपा ५ गुराँसेमा शनिबार बिहान मिनि ट्रक दुर्घटना हुँदा एक जनाको घटनास्थलमै मृत्यु भएको प्रहरीले जनाएको छ।

झापाबाट ताप्लेजुङतर्फ जादै गरेको मे. १ ख १८४९ नम्बरको ट्रक बिहान ०४३० बजे अनियन्त्रित सडकबाट अन्दाजी सय मिटर तल खसेको हो। दुर्घटनामा ट्रकका चालक पाँचथर फिदिम नगरपालिका ३ लालीखर्क बस्ने अन्दाजी ३० वर्षिय मोहन कुमार राईको घट्नास्थलमै मृत्यु भएको प्रहरी चौकी जोरपोखरीले जनाएको छ।

घटनास्थलमा प्रहरी चौकी जोरपोखरी र जिल्ला प्रहरी कार्यालयबाट टोली खटि गएका छन्।