.gif)
बिराटनगर, मंसिर १९ गते।
मोरङको बेग्लाबेग्लै दुई स्थानमा हिजो भएको सवारी दुर्घटनामा परी एक प्रहरी जवानसहित पाँच जना घाइते
भएका छन।
कोशी-हरैचा नगरपालिका १ बिराटचोकमा हिजो बिहान पूर्वबाट पश्चिमतर्फ जादै गरेको को. १ च ९१७९ नम्बरको कारले मोटरसाइकललाई ठक्कर दिंदा इलाका प्रहरी कार्यालय सिजुवा दरबन्दी भई सिआरभी पोष्ट बरगाछीमा कार्यरत प्रहरी जवान धन बहादुर विश्वकर्मा र उनकी पत्नी घाइते भएका हुन्।
ठक्करबाट विकको दाहिने खुट्टा भाचिएको र टाउकोमा चोट लागेको छ। उनको न्युरो अस्पताल बिराटनगरमा उपचार भइरहेको प्रहरीले जनाएको छ। सोही कारको ठक्करबाट मोटरसाइकल पछाडी सवार विश्वकर्माकी पत्नी समेत सामान्य घाइते भएकीले निजलाइ पनि अस्पताल लगिएको छ। कार र चालकलाई प्रहरी चौकी बिराटचौकले नियन्त्रणमा लिएको छ।
यता मोरङकै दादरबैरिया ६ रंगेली-विराटनगर सडकमा हिजै दिउँसो को. १५ प ९९७ नम्बरको मोटरसाइकलले ठक्कर दिएर को. १७ प ९२२९ नम्बरको मोटरसाइकलमा सवार मोरङ टकुवा-७ बस्ने सन्तलाल बहरदार, सुशील बहरदार
र ८ वर्षिय बालक मनिष बहरदार घाइते भएका छन्।
घाइते तीनै जनाको गोल्डेन अस्पताल बिराटनगरमा उपचार भइरहेको प्ररहरीले जानकारी गराएको छ।
Post a Comment