नेपाल बैंक बिर्तामोडका प्रबन्धक उमेशचन्द्र घिमिरेको लडेर मृत्यु

सुरुङ्गा (झापा), ११ पुस ।
 नेपाल बैंक लिमिटेड बिर्तामोड शाखाका प्रबन्धक उमेशचन्द्र घिमिरेको गएराति लडेर मृत्यु भएको छ ।

गएराति बाथरुममा चिप्लिएर उहाँ लड्नुभएको थियो । बाथरुममा लडेर अचेत हुनुभएका उहाँलाई तत्काल उपचारका लागि बिर्तामोडस्थित पूर्ण टुङ बिर्तासिटी हस्पिटल पु¥याइए पनि उहाँको अस्पताल पु¥याएलगत्तै मृत्यु भएको इलाका प्रहरी कार्यालय बिर्तामोडका प्रहरी नायब उपरीक्षक केशवकुमार थेवेले जानकारी दिनुभयो ।

एकचालिस वर्षीय घिमिरे डेढ वर्षयता बिर्तामोडस्थित नेपाल बैंकको शाखा कार्यालयमा प्रबन्धकको काम गर्दै आउनुभएको थियो ।

काठमाडौँ स्थायी घर भएका उहाँ बनेपाबाट सरुवा भएपछि बिर्तामोड शाखामा कार्यरत हुनुहुन्थ्यो । रासस