वार्षिक उत्सवमा वालवालिकालाई स्वीटर वितरण

मोरङ बेलबारी, पुस २ गते  । मोरङको बेलबारी ११ स्थित उज्ज्वल वाल केन्द्रको दशौं वार्षिक उत्सव कार्यक्रम शनिवार सम्पन्न भयो । कार्यक्रमको अवशरमा तीन वटा वाल केन्द्रहरुका ४० जना विद्यार्थीहरुलाई स्वीटर वितरण गरिएको थियो ।

साथै तीन वटै वाल केन्द्रलाई शैक्षिक सामाग्री पनि वितरण गरिएको थियो । स्वीटर र शैक्षिक सामाग्री धरान निवासी प्रकाश राईले सौजन्य गरेका थिए । कार्यक्रमका प्रमुख अतिथि समेत रहेका राईले वार्षिक रुपमा केन्द्रका वालवालिकाहरुलाई स्वीटर लगायत शैक्षिक सामाग्री प्रदान गर्दै आएको छ ।

कार्यक्रममा कविर बाल केन्द्र, कुशल वाल केन्द्रका विद्यार्थीहरुको उपस्थिति रहेको थियो । कार्यक्रममा बनिगामा श्रोत केन्द्रका श्रोत व्यक्ति सूर्य चौधरी, सेतो गुराँसका प्रतिनिधि हिना विश्वास लगायतले शुभकामना मन्तव्य राखेका थिए ।

२०६४ सालमा स्थापना भएको बाल केन्द्रका संचालनका लागि स्थानीय वासिन्दाहरुले विभिन्न सहयोग गर्दै आएका
छन् । कार्यक्रम केन्द्रका संचालन समितिका अध्यक्ष सकुन्तला राईको सभापतित्व र स्थानीय युवा समाजसेवी मिलन राईको संचालनमा सम्पन्न भएको थियो ।