गाईसँग मोटरसाइकल ठोकिंदा एक जनाको मृत्यु

सुनसरी १६ मंसिर । कोशी राजमार्ग अन्तर्गत इटहरी खण्डको सेउती पुल नजिकै मोटरसाइकल दुर्घटना हुँदा तेह्रथुमको म्याङलुङ्ग नगरपालिका–८ जिरिखिम्तीका पुष्पकुमार श्रेष्ठको ज्यान गएको छ । मोटरसाइलक बाटोमा रहेको गाईमा ठोक्किएर दुर्घटना भएको थियो । हिजो भएको दुर्घटनामा घाइते भएका श्रेष्ठलाई उपचारकालागि लैजाने क्रममा बाटोमै ज्यान गएको प्रहरीले जनाएको छ । जिरिखिम्तीबजारमा पेट्रोल पम्प र पसल भएका श्रेष्ठ सामान किन्नका लागि केही दिन अघि इटहरी आएका थिए ।