दोस्रो चितवन मत्स्य महोत्सव सुरु

चितवन, पुस २ गते । दोस्रो चितवन मत्स्य महोत्सव २०७३ शुक्रबारदेखि सुरु भएको छ ।
भरतपुरस्थित औद्योगिक प्रदर्शनी मैदानमा सुरु भएको महोत्सव यही पुस ५ गतेसम्म चल्नेछ ।

महोत्सवमा आधुनिक प्रविधियुक्त माछा पोखरी, माछा र थारु विशेष खानाका परिकार तथा माछा बनाउने तथा खाने तरिकाबारे जानकारी दिइएको छ । महोत्सवमा ४५ कक्ष छन् ।

महोत्सवको शुक्रबार यहाँ उद्घाटन गर्दै कृषि राज्यमन्त्री राधिका तामाङले माछापालनको मुख्य क्षेत्र घोषणा गरी सरकारले विशेष प्राथमिकताका साथ सहयोग गर्ने प्रतिबद्धता जनाउनुभयो ।