छोराले छुरी प्रहारगरी बाबुको हत्या

सुनसरी, माघ १७ गते। रातो तारा डट कम-
सुनसरीको धरान-१५ स्थित पतन्जलीमार्गमा आइतबार छोराले छुरी प्रहारगरी बाबुको हत्या गरेका छन्।

धरान-१५ पतन्जलीमार्गमा बस्ने २२ बर्षिय साइमन कार्कीले उनकै बाबु ४४ बर्षिय अटुराज कार्कीलाई  दिउँसो २ बजे घरायसी बिबादहुँदा छुरा हानेको स्थानियले बताए।

 छुरा प्रहारबाट पेट र छातीमा गहिरो चोट लागेका कार्कीको धरान स्थित विपी कोइराला स्वास्थ्य विज्ञान प्रतिष्ठानमा उपचारको क्रममा अपरान्ह ४ बजे मृत्यु भएको हो।

 छुरा प्रहार गरी हत्या गर्ने साइमन कार्की फरार रहेकाले खोजी भइरहेको इलाका प्रहरी कार्यालय धरानले जनाएको छ।