आगलागीबाट एक घरमा क्षति

संखुवासभा, माघ १३ गते। फोटो फायल,
संखुवासभाको हटिया-७ मा बुधबार आगालगीबाट एक घरमा क्षति भएको छ। हटिया-७ बस्ने कौवा बहादुर राईको घरमा दिउँसो २ बजेतर भान्सा कोठाबाट अचानक सल्किएको आगोले घर तथा घर भित्र भएको सम्पूर्ण सामान समेत जल्दा अन्दाजी २ लाख १० हजार बाराबरको क्षति भएको बताइएको छ।

आगालगी प्रहरी चौकी स्याक्सिलागोलाबाट खटिएको प्रहरीको टोली र स्थानियमानिसहरुको सहयोगमा नियन्त्रणमा लिएको उक्त कार्यालयले जनाएको छ। त्यसैगरी धनकुटाको मुर्तीढुंगा २ स्थित नुनथला सामुदायिक वनमा समेत बुधबार आगलागी भएको छ।

दिउँसो १२ बजेतिर जंगलमा अचानक लागेको आगो दमकल स्थानिय नेपाल प्रहरी, नेपाली सेना र स्थानियमानिसहरुको सहयोगमा साँझ ६ बजे नियन्त्रणमा लिएको धनकुटा प्रहरीले जनाएको छ।