कल्याणकारीका नवगठित विव्यसका अध्यक्षलाई शिक्षा ऎन उपहार

युवराज ठकुरी/सिंहदेवी,मोरङ, माघ १९ गते । २०७३,
रातो तारा डट कम -उत्तरी मोरङ सिंहदेवीमा रहेको एक मात्र माध्यमिक विद्यालय कल्याणकारीका नवगठित विद्यालय व्यवस्थापन समितिका अध्यक्ष दिलिपकुमार ठकुरीलाई शिक्षा ऎन उपहार हस्तान्तरण गरिएको छ।

विद्यालयको सर्वाङ्गिण विकासका विद्यालय व्यवस्थापन समितिको भूमिका महत्त्वपूर्ण हुने र शिक्षा ऎन र नियमावली सम्बन्धि समिति मुख्य रुपमा जानकार भएमात्र विद्यालयलाई व्यवस्थित ढंगले संचालन गर्न सकिन्छ भन्ने ठानेर युवा समाज सेवी सिंहदेवी मोरङमा जन्मिएर कोशीहरैचामा स्थायी बसोबास भइ हाल साउदी अरेबियामा कार्यरत नरेश राई र  स्थानीय  सन्चारकर्मी युवराज ठकुरीद्वारा सयुक्तरुप उपहारको तयारी गरिएको थियो।

कल्याणकारीको स्वर्णमहोत्सव मुलसमारोह समितिको बैठकको अवसर पारेर सरस्वती पुजाको दिन नरेश राईका भाइ विपन राईले उक्त उपहार समितिका अध्यक्षलाई हस्तान्तरण गरिएको लक्ष्मी प्राविका शिक्षक कमल ठकुरीले बताए ।