नारायणप्रसाद गिरी स्मृति सफ्ट टेनिस भोली बाट गरिने

विराटनगर,चैत ४  गते । रातो तारा डट कम,
मोरङ जिल्ला सफ्ट टेनिस संघको आयोजनामा विराटनगरमा नारायणप्रसाद गिरी स्मृति सफ्ट टेनिस प्रतियोगिता हुने भएको छ ।जिल्लामा सफ्ट टेनिस खेलको गतिबिधि शुन्य रहेको अबस्थामा नयाँ तथा पुराना खेलाडीलाई प्रोत्साहन गर्ने उद्देश्यले भोलीबाट विराटनगरमा प्रतियोगिताको आयोजना  हुने भएको छ ।

नारायण प्रसाद  गिरीकी श्रीमती डेजी गिरीले आफ्नो श्रीमानको स्मृतिमा सो प्रतियोगिताको आयोजना गर्न लागेको सफ्ट टेनिस संघ मोरङका अध्यक्ष श्यामकुमार लामाले पत्रकार सम्मेलनमा जानकारी दिनुभयो  ।

तीनदिनसम्म सञ्चालन हुने सो प्रतियोगितामा पुरुष र महिला गरि कुल २६ खेलाडीको सहभागिता रहनेछ । प्रतियोगितामा २० पुरुष र ६ महिलाले प्रतिष्पर्धा गर्ने जनाइएको छ ।

सफ्ट टेनिस संघ मोरङका सदस्य किरण लामाका अनुसार हाल जिल्लामा मात्र ३० खेलाडी रहेका छन् । गत माघमा गठन भएको सफ्ट टेनिसको नयाँ कार्यसमितिले सो खेलको बिकासका लागि अन्य प्रतियोगिता समेत आयोजना गर्ने तयारी गरेको छ ।