पूर्वको छुट्टाछुट्टै स्थानमा आगलागी लाखौको क्षति

बिराटनगर, फाल्गुन २१ गते। रातो तारा डट कम-
पूर्वको भोजपुर र खोटाङ जिल्लामा शुक्रबार भएको आगलागीबाट लाखौ बराबरको क्षति भएको छ।

भोजपुर नगरपालिका-२ भैंसीपंखा गाविस बस्ने कुमार श्रेष्ठको भान्सा कोठाबाट अचानक आगलागी हुँदा अन्दाजी ८३ लाख २२ हजार बरावरको क्षेति भएको छ। आगलागीबाट सोहि ठाँउका कुमार श्रेष्ठ, मकर बहादुर श्रेष्ठ, प्रभुराम श्रेष्ठ, सार्के बहादुर श्रेष्ठ, कुमार श्रेष्ठ र तिलक बहादुर श्रेष्ठको घर जलेर नष्ट हुँदा सो बराबरको क्षति भएको हो।

आगलागी नेपाल प्रहरी र स्थानियबासीको सहयोगमा पूर्ण रुपमा नियन्त्रणमा आएको जिल्ला प्रहरी कार्यालय भोजपुरले जनाएको छ। यसैगरी खोटाङको मंगलटार -१ वस्ने शिब कार्कीको घरको मतानमा आगलागी हुँदा अन्दाजी ३ लाख ५० हजार बराबरको क्षति भएको छ।

घरमा किहि नभएको समयमा आगलागी हुँदा सो मतान र भित्र रहेका सम्पुर्ण सर-सामान जलेर नष्ट हुँदा सो क्षति भएको पिडितले बताए। उक्त आगलागी नेपाल प्रहरी र स्थानियबासीको सहयोगमा पुर्ण रुपमा नियन्तरणमा लिईएको हो।