अधिकृत घुस लिँदा-लिँदै पक्राउ

काठमाडौं, फागुन १९ गते । रातो तारा डट कम-

यातायात व्यवस्था विभागका एक शाखा अधिकृत घुस लिँदा-लिँदै पक्राउ परेका छन् । 

अख्तियार दुरुपयोग अनुसन्धान आयोगले विभागभित्रै घुस लिँदा-लिँदै अधिृकत अर्जुप्रसाद रिजाललाई रंगेहात पक्राउ गरेको हो ।

यातायात व्यवस्था विभागको कार्यालय मिनभवनमा आयोगले टोलीले छापा मारेको थियो । अधिकृत रिजाल २५ हजार रुपैयाँ घुसरकम सहित पक्राउ परेका हुन् ।

यातायातका शाखा अधिकृत रिजालले सोह्रखुट्टेस्थित महानेपाली मोटर ड्राइभिङ सेन्टरको दर्ता प्रयोजनमा घुस मागेका थिए ।

पूर्वसूचनाका आधारमा गएको आयोगको टोलीले घुस बुझ्दा बुझ्दै रिजाललाई नियनत्रण लिएको जनाइएको छ ।