डीआईजी प्रकाश अर्याललाई प्रहरी महानिरीक्षकमा सरकारले नियुक्ति गरो

काठमाडौं,चैत२९गते। रातो तारा डट कम-सरकारले डीआईजी प्रकाश अर्याललाई प्रहरी महानिरीक्षक-आईजीपीमा नियुक्त गरेकोछ।

हिजो सोमबार अबेर बसेको मन्त्रिपरिषद् बैठकले अर्याललाई प्रहरी प्रमुखमा बढुवा गर्ने निर्णय गरेको हो ।

Advertisment

बैठकमा उपप्रधान तथा गृहमन्त्री विमलेन्द्र निधि भने सहभागी थिएनन् । सरकारको दोस्रो वरियता नपाएपछि उनले मन्त्रिपरिषद् बैठक बहिस्कार गरेका हुन् ।

हिजो सोमबार नै बसेको मन्त्रिपरिषद्को पहिलो बैठकले आईजीपीका दाबेदारहरुको कार्यसम्पादनको नम्बर पेश गर्न समिति गठन गरेको थियो ।

गृह, प्रधानमन्त्री कार्यालय र कानुन मन्त्रालय सचिव र निमित्त प्रहरी प्रमुख रहेको समितिले पेश गरेको कार्यसम्पादनको नम्बरका आधारमा डीआईजी अर्याललाई प्रहरी प्रमुख बनाउने निर्णय भएको कुरा जानकारी गराइएको छ ।