ट्रिपरको ठक्करबाट २ जना शसस्त्र प्रहरी घाईते

बिराटनगर चैत्र २० गते। रातो तारा डट कम,
मोरङको सुन्दरहरैचा नगरपालिका १० स्थित खोर्साने चौकमा शनिबार ट्रिपरको ठक्करबाट मोटरसाईकलमा सवार २ जना शसस्त्र प्रहरी घाईते भएका छन्।

घाईते हुनेमा मोटरसाईकल चालक शसस्त्र प्रहरी बल राजस्व चुहावट नियन्त्रण गुल्म ईटहरीमा कार्यारत शसस्त्र प्रहरी वरिष्ठ हवल्दार दिप नारायण चौधरी र मोटरसाईकलको पछाडी सवार शसस्त्र प्रहरी सहायक हवल्दार कुमार तुम्रक रहेका छन्।

पूर्व पश्चिम राजमार्गमा पूर्वतर्फ जाँदै गरेको ट्रिपरले सोही दिसातर्फ जाँदै गरेको मोटरसाइकललाइ ठक्कर दिएको थियो।

ठक्करबाट घाईते दुबैजनालाई उपचारकालागी बिपी कोईराला स्वास्थ्य बिज्ञान प्रतिष्ठान धरान पठाईएको इलाका प्रहरी कार्यालय बेलबारीले जनाएको छ।

ट्रिपर र चालकलाई उक्त कार्यालयको नियन्त्रणमा राखिएको छ। यसैगरी इलामको रोङ गाउँपालिका ३ स्थित लसुनेमा टेम्पो अनियन्त्रित भई दुर्घटना हुँदा ३ जना घाईते भएका छन्।

 दुर्घटनामा परी टेम्पोमा सवार ईलाम चुलाचुली १ बस्ने याशु राई, निजको श्रीमती सन्जु राई र बहिनी रंजिता राई घाईते भएका छन्।

 त्यसैगरी मेचिराजमार्ग अन्तर्गत ईलामबाट झापा आँउदै गरेको ज १ स ३०२५ नम्बरको अटो टेम्पो आँफै अनियन्त्रित भई सडकमा पल्टिएको थियो।

घाईतेहरुलाई उपचारकालागी बि एण्ड सी अस्पताल बिर्तामोड पठाईएको प्रहरी चौकी हर्कटेले जनाएको छ। टेम्पोका चालक फरार रहेकोले खोजिकार्य भईरहेको छ।