जिल्ला स्तरीय ए डिभिजन लिग फुटबल प्रतियोगिता सुरु

बिराटनगर,बैशाख ४ गते । रातोतारा डट कम-
मोरङ जिल्ला फुटबल संघको आयोजनामा  हिजो देखि विराटनगरमा जिल्ला स्तरीय ए डिभिजन लिग फुटबल प्रतियोगिता सुरु भएको छ ।

विराटनगरस्थित डिपिएस स्कुलको खेल मैदानमा भएको प्रतियोगिता अन्तरगत रानी युवा क्लब र युनाइटेड स्पोर्टिङ क्लबबिच हिजो भएको पहिलो खेल गोलरहित बराबरीमा टुङ्गिएको छ ।

 निर्धारित समयसम्म दुवै समुहले गोल गर्न नसकेपछि समान एक–एक अंक बाढेका छन् । त्यस्तै दोश्रो खेलमा मोतीराम स्पोर्टिङ क्लबले त्रीवेणी क्लबलाई ०–१ गोल अन्तरले पराजित गरेको छ ।

भोली हुने पहिलो खेलमा मुनाल क्लब र रानी युवा क्लब, त्यस्तै दोश्रो खेलमा साइनो स्पोर्टिङ क्लब र सम्राट स्पोर्टिङ क्लबबिच हुने छ ।

प्रतियोगितामा जिल्लाका १४ वटा क्लबहरुको सहभागिता रहेको छ । प्रतियोगिता विराटनगर र बेलबारीमा संचालन भइरहेको छ ।