आगलागीबाट १ करोड बढीको क्षती

सिरहा, चैत्र २९ गते । रातो तारा डट कम, सिरहाको सखुवानान्करकट्टि ८ मा सोमबार साँझ भएको आगलागीबाट अन्दाजी १ करोड ५० लाख बराबरको क्षति भएको जानकारी प्राप्त भएको छ।

स्थानीय हरि नारायण मंण्डलको परालको टालमा अचानक आगलागी भई दलित बस्तिमा फैलिएको इलाका प्रहरी कार्यालय महेशबारीले जनाएको छ।

आगलागीबाट बस्तीमा रहेका ३० घर परिवारको फुसको छानो भएको अन्दाजी ५० वटा घर तथा गोठ समेत जलेर नष्ट हुँदा सो मुल्य बराबरको क्षति भएको हो।

आगलागीबाट घर भित्र रहेका सम्पुर्ण सरसामान,अन्नपात, गरगहना लगायत १० वटा चौपाया समेत जलेर नष्ट भएको छ। आगलागी प्रहरी, स्थानियवासी र दमकलको सहयोगमा ८ बजे पुर्ण रुपमा नियन्त्रणमा आएको उक्त कार्यालयले जनाएको छ।