केराबारीमा वाईसीएलको मार्चपास

भक्तसेर लिम्बू - मोरङ,बेलबारी चैत २६ गते । रातो तारा डट कम,माओवादी केन्द्र निकट योङ कम्युनिष्ट लिग केराबारीको गाउ सम्मेलन शनिवार सम्पन्न भएको छ । सम्मेलन अघि युवाहरुले केराबारी बजारमा मार्चपास गरेको छ ।

सम्मेलनले सञ्जु श्रेष्ठको अध्यक्षतामा ७५ सदस्यीय समितिको चयन भएको छ । समितिमा पहाडी वडामा एक एक जना उपाध्यक्ष पर्ने गरी चार जना उपाध्यक्ष चयन भएका छन् ।

कार्यक्रममा पार्टीका पोलिटव्युरो सदस्य हेम कार्कीको प्रमुख आतिथ्यमा सम्पन्न भएको थियो । कार्यक्रममा केराबारी गाउँपालिकाका संयोजक राम कार्की, युवा ईन्चार्ज खगेन्द्र सुवेदी अतिथि रहेका थिए ।

त्यसैगरी केराबारी ९ मा माओवादी निकट दलितहरुको भेलाले वुद्धिमान परियारको अध्यक्षतामा २५ सदस्यीय दलित मुक्ति मोर्चा समितिको चयन भएको छ । त्यसैगरी वाईसीएलको केराबारी ९ को वडा कमिटीको पनि गठन भएको छ ।