कुसुमेमा वृहत सांगीतिक कार्यक्रम हुने

भक्तसेर लिम्बू ,मोरङ-बेलबारी,चैत २६ गते ।
 रातो तारा डट कम,नयाँवर्ष अवशरमा मोरङको केराबारी ९ कुसुमेमा कुसुमे सांगीतिक कार्यक्रम २०७४ हुने भएको छ ।


कुसुमे साईनिङ क्लवको आयोजनामा स्थानीय शहिद स्मृति प्राथमिक विद्यालयको कोष निर्माणका लागि र कुसुमे समुहको भवन निर्माण सहयोगार्थ रहने भएको छ ।

कार्यक्रममा राष्ट्रिय अन्तरराष्ट्रिय रुपमा ख्याति कमाएका हाँस्य कलाकार विल्सनविक्रम राई(तोक्मे बुढा), युवा पुस्ता माझ सर्वाधिक प्रिय गायिका मेलिना राई, अर्का कमेडी गायक श्रीकृष्ण लुईटेल, उदयमान गायक संजीव धिमाल, नवोदित गायक गोविन्द बस्नेत लगायतका प्रस्तुति रहने क्लवका सचिव अमर राईले जनाएको छ ।

साथमा गरिमा डान्स सेन्टर धरान र स्थानीय कलकारहरुको प्रस्तुति रहने क्लवले जनाएको छ । कार्यक्रमका लागि सिद्धार्थ ईंलिश स्कुलले प्रायोजन गर्ने भएको छ ।

त्यसैगरी सहप्रायोजन शिक्षा सन्देश ईंलिश स्कूलले गर्ने भएको छ । वैशाख १ गते हुने कार्यक्रमका लागि प्रवासमा रहने कुसुमे देविझोडाका युवाहरु साथै स्थानीय वासिन्दाहरुले सहयोग गर्ने भएको छ ।