औलो दिवस मनाइयो

कोैशल निरोैला-विराटनगर, बैशाख १२ गते । रातो तारा डट कम-विश्व औलो दिवसका अवसरमा मोरङमा विभिन्न जनचेतनामुलक कार्यक्रम भएका छन् । जिल्ला जनस्वास्थ्य कार्यालय मोरङको अगुवाईमा जिल्लाभर जनचेतनामूलक कार्यक्रम भएको हो ।

विभिन्न सन्देश मुलक व्यानर टागेर,माइकिङ र ¥यालीको आयोजना  गरेर जनस्वास्थ्यले कार्यक्रम गरिरहेको छ । लामखुट्टेको टोकाइबाट मानिसमा सर्ने औलो रोगीको संख्या पछिल्लो समय मोरङमा बढेको छ  ।

गत वर्ष ५ जना औलो रोगी रहेको मोरङमा यसपटक ७ जना पुगेका छन् । मोरङका तीन गाविस औलो रोगवाट प्रभावित छन् । जिल्लाका मधुमल्ला,कोशिहरैचा,बेलवारीमा यो रोग देखा परेको छ ।

मंगलवार विराटनगरमा भएको एक कार्यक्रममा वीच जिल्ला जनस्वास्थ्य कार्यलयका प्रमूख चन्द्रदेव मेहताले जिल्लामा ७ जना औलो रोगी रहेको र ती क्षेत्रको पहिचान गरी निगरानी गरिएको जानकारी दिए ।

यसै गरी जनस्वास्थ्यका बरिष्ठ अधिकृत मो.वासिलले औलोले महामारी छिटो फैलिएर धेरैजनाको ज्यान जान सक्ने भएकाले  शंका लाग्ने बित्तिकै उपचार गराउन आग्रह गरे ।