चुहानडाँडामा ट्याक्सी दुर्घटना हुँदा ११ जना घाइते भएकाछन

फोटो फाएलबाट,
अमृत बास्तोला-तेह्रथुम, बैशाख,२४ गते । रातो तारा डट कम
तेह्रथुमको आठराई गाउँपालिका स्थित चुहानडाँडा आईतवार बिहान ट्याक्सी दुर्घटना हुदा ११ जना घाइते ३ जना गम्भीर घाइते भएकाछन ।

दुर्घटनामा परि चुहानडाँडाका जमुना कट्टेल, गिता कट्टेल, तुलसा बास्कोटा र फिदिम निवासी बिमला विष्ट गम्भीर घाइते भएको बताएका हुन ।

घाइतेलाई अहिले जिल्ला अस्पताल पाँचथर लगिएको छ । ट्याक्सीमा कति सवार थिए भन्ने खुलेको छैन ।
गाउँपािलकाको केन्द्र संक्रान्तिबजारबाट पाँचथरको फिदिमका लागि छुटेको को १ ज २३८५ नम्बरको ट्याक्सी बिहान ८:३० मा साविक चुहानडाडा ७ स्थित मानेडाडाँमा दुर्घटना भएको स्थानीय लिङकन लिम्बूले जानकारी दिनु भयो ।

ट्याक्सी चालक विशाल गहतराज भने घटाना फरार रहेको स्थानीयले बताएका छन् । दुर्घटनाको कारण आउन बाकी रहेको छ ।