नक्कली सुन बिक्री गर्दै हिड्ने पक्राउ

बिराटनगर बैशाख २८ गते । रातो तारा डट कम-धरान प्रहरीले बुधबार अपरान्ह सिराहा बस्तीपुर–६ का ४४ वर्षीय नारायण थापा मगरलाई पक्राउ गरेको गरेको कुरा प्रहरीले जनाएको छ ।

उनले नक्कली सुनको टिल देखाउँदै बिक्री गरिदिन बाहाना गर्दै धरान–६ की एक महिलाको सुनको कुण्डल थुतेका थिए । आफू बेर्खची भएको भन्दै उक्त नक्कली सुन बिक्री गरिदिनको लागि आग्रह गरिरहेको समयमा कानमा लगाएको आधा तोलाको सुन थुतेर भागेका थिए । 

उक्त घटना प्रहरीलाई सूचना आएलगत्तै चेकजाँच बढाउँदा पक्राउ गर्न सफल भएको इलाका प्रहरी कार्यालय धरानका डिएसपी ढकेन्द्र खतिवडाले जानकारी दिए । 

उनलाई स्थानीयको सहयोगमा पक्राउ गरिएको उनले बताए । थापा मगरलाई जर्वजस्ती चोरी मुद्दा दर्ता गरी थप अनुसन्धान गरिएको प्रहरीले जनाएको छ ।