सत्ता हस्तान्तरण प्रयास गरेका प्रधानमन्त्री पुष्पकमल दाहाल समय अब केही दिन लम्बिनसक्ने

काठमाडौं, जेठ १० गते । रातो तारा डट कम-नेपाली कांग्रेस र माओवादी केन्द्रबीच भएको भद्र सहमतिअनुसार सत्ता हस्तान्तरण प्रयास गरेका प्रधानमन्त्री पुष्पकमल दाहाल अन्तिममा रोकिएकाे विषयलाई  सबैजसो राष्ट्रिय दैनिक पत्रिकाहरुले छापेका छन् । 

पत्रपत्रिकाहरुले दोस्रो चरणको निर्वाचनदेखि बूढीगण्डकी चिनियाँ निर्माण कम्पनीलाई दिनेसम्मका खबरलाई विशेष प्राथमिकताका साथ लेखेका छन् ।

गोरखापत्र दैनिकले प्रमुख दलबीच सहमति जुटाउन संसद् बैठक स्थगित भएको लेखेको छ । गोरखापत्रमै भूकम्पपीडितलाई निर्व्याजी ३ लाख ऋण दिन लागिएकोदेखि थपिएको स्थानीय तहमा निर्वाचन चुनौतीपूर्ण बनेकोसम्मका सामग्री प्रकाशित छन् ।

कान्तिपुर दैनिकले एमाले अध्यक्ष केपी ओलीले प्रधानमन्त्रीमा प्रचण्डकै निरन्तरता चाहेको लेखेको छ ।

प्रधानमन्त्रीको राजीनामा रोकिएको विषयलाई मुख्य खबर बनाएर छापेको नागरिक दैनिकले दोस्रो चरण निर्वाचनमा मधेसवादी दल र कांग्रेसबीच तालमेल गर्नेबारे छलफल तीव्र बनेको जनाएको छ । 

अन्नपूर्ण पोस्ट दैनिकमा नेताहरुको भनाभनले संसद् बैठक स्थगित भएकोलगायतका खबर छन् ।