.gif)
एक वर्ष सम्म सडक कालोपत्रे हुन नसकेको भन्दै उनीहरुले कार्यालयमा तत्काल कालोपत्रेको काम अघि बढाउन माग राखेर दबाव समेत दिए ।
१६ फिट चौडाई भएको दुई सय २५ मिटर लामो सडक कालोपत्रे गर्न डिभिजन सडक कार्यालय विराटनगरले पहिलो पटक २०७३ साल पुस र दोस्रो पटक २०७४ बैशाख अन्तिममा टेण्डर आब्हान गरेको थियो ।
तर दुई पटक नै टेण्डर रद्ध गर्नु परेको छ । ठेक्का नपरेका कारण टेण्डर रद्ध गर्नु परेको कार्यालयका प्रमुख दीपेन्द्रकुमार चौधरीले बताउनु भयो । सडक कालोपत्रे गर्नका लागि २०७३ जेठ १५ गते १२ लाख रुपैयाँ बजेट पास भएर रातो कितावमा समेत उल्लेख गरिएको थियो ।
इटहरी उपमहानगरपालिका ४ बुढीगंगामार्ग उपभोक्ता समितिका सचिव ठाकुर खात्रीका अनुसार छोटो प्रक्रियाबाट भए पनि तत्काल सडक कालोपत्रे हुनु पर्ने माग सम्बन्धीत निकायसंग गरिएको बताउनु भयो । सडक कालोपत्रे गर्ने कुरामा ढिलाई भएमा बजेट नै फ्रिज हुने खतरा रहेको खत्रीको भनाइ छ ।
विकास निर्माणको सन्दर्भमा अन्तिम समयमा आएर काम थाल्न खोज्ने सम्बन्धीत निकायको कमजोरीको सिकार सर्वसाधारण बन्नु परेको उहाँको गुनासो छ ।
बजेट फ्रिज हुन नदिने र केही समयमै काम सक्ने गरी सडक कालोपत्रे सुरु नगरिए आन्दोलन गर्ने चेतावनी उपभोक्ताले दिएका छन् ।
Post a Comment