पूर्वाञ्चल स्तरीय भलिबल प्रतियोगिता सम्पन

रबिन्द्र बराल-रंगेली ,माेरङ जेष्ठ १५ गते । रातो तारा डट कम-
मोरङको पथरीशनिश्चरे जारी पूर्वाञ्चल स्तरीय भलिबल प्रतियोगीताको उपाधि लक्ष्मिमार्ग भलिबल क्लवले जितेकोछ।
मोरङको पथरीशनिश्चरे नगरपालिकामा जेष्ठ १२ देखि १४ गते सम्म संचालित पुर्वाञ्चल स्तरीय पुरुष भलिबल प्रतियोगिता हिजो समापन भएको थियो ।

‘दुव्यासन विरुद्धको अभियान, युवा खेलकुदको पहिचान’ भन्ने नाराको साथ जेठ १२ देखि खेल सुरु भएको थियो ।
पथरीशनिश्चरे भलिवल क्लबलेको आयोजनामा मोरङ, झापा, सुनसरी, धनकुटाका गरी १० टिम सहभागि भएका थिए ।

झापा टाइगर र लक्ष्मिमार्ग बिच भएको प्रतियोगीतामा लक्ष्मिमार्गले ३–१ कोे सेटमा खेल्दै बिजेता बनेको हो ।
झापा टाईगरले आयोजकलाई जित्दै फाईनल प्रबेश गरेकोहो भने लक्ष्मिमार्गले धरानलाई हराउदै फाइनल प्रबेश गरेको हो ।

प्रतियोगिताको प्रथम र दोस्रो हुने टिमले नगद ५१ र ३१ हजार नगद, ट्रफी, प्रमाणपत्र र मेडलहरु प्रमुख अतिथी प्याब्सन कल्ष्टर न.ं७ मोरङका अध्यक्ष सुरेन्द्र लिम्बु र पथरी भलिबल क्लवका अध्यक्ष रबिन्द्र राईले वितरण गर्नु भयो ।

खेलमा लक्ष्मिमार्गका खेलाडी बेष्ट स्पाइकर तारा मगर, बेष्ट सटर रोशन घिमिरे, बेष्ट लिब्रो बसन्त राई र झापा टाईगरका रोशन श्रेष्ठ बेष्ट बल्कर, प्रदिप श्रेष्ठ बेष्ट सरभर घोषित भए ।

खेलको मुख्य प्रायोजक पथरीशनिश्चरे नगरपालिका र सह–प्रायोजक प्याब्सन कल्ष्टर न.ं७ मोरङले गरेको थियो । खेल राष्ट्रय रेफ्री हेम बुढाथोकी र जिल्ला रेफ्री मुकेस थापाले संचालन गनुभएको थियो ।