हाङबाङ्गको आक्रमक प्रचार सैलीले भोर्टस आकर्षित भए

अर्जुन जम्नेली राई- मोरङ, पथरी । नेकपा (माओवादी केन्द्र)का पथरीशनिश्चरे नगरपालिका वडा नम्बर १ का अध्यक्षका उम्मेदवार कमल हाङबाङ्गको टोली आक्रमक रुपमा प्रचारप्रसारमा उत्रिएका भोर्टस आकर्षित भएका छन्।

माओवादी केन्द्रले आगामी जेठ ३१ गतेहुने स्थानीय तहको निर्वाचनको लागि १ नम्बर वडा अध्यक्षमा कमल हाङबाङ्ग लिम्बू, सदस्यहरुमा भुवनसिंह लिम्बू, सन्तोष सिरेङ लिम्बू, महिला सदस्यमा गोमादेवि लुइटेल र दलित महिला सदस्यमा भगवती दर्जीलाई उठाएको छ ।

टोलीले बिहिबारदेखि १ नम्बर वडामा आक्रमक सैलीमा प्रचार अभियान थालेका हुन् । करिव ५० जनाको युवाहरु सहित भोटमाग्न घरदैलो कार्यक्रम सुरु गरेका हुन् । टोलीले विभिन्न स्थानमा झण्डा राख्ने, पम्प्लेट टाँस्ने, पथरी बजारमा १० स्थानमा ठूला ब्यानर राखिएको बुझिएको छ ।

टोलीले प्रतिबद्धता पत्रहरु वितरण, उमेद्वारको फ्याक्स प्रिट सार्वजनिक स्थालमा झ्ण्ड्याउने, सामाजिक सञ्जालहरु फेसबुक, ट्वीटर र युटुवमा भिडियो र फोटोहरु सार्वजनिक गर्ने लगायतको आक्रमक रुपमा प्रचार सुरु गरेको उक्त पार्टी सम्बद्ध युवा टेकेन्द्र लिम्बूले बताए ।

पार्टीको मेयर र उपमेयरको उमेद्वार जहरमान लिम्बू, राधिका गौतमको टोली पनि भोटमाग्न घरदैलो अभियानमा छन् ।
पार्टीले वडा नम्बर २ मा देवि ढकाल, ३ मा नरबहादुर राई, ४ मा गोविन्द भण्डारी, ५ मा भक्त धिमाल, ७ मा लोकबहादुर साउदेन, ९ मा सुमन वनेम लिम्बू र १० मा प्रेम ढकाल पनि उक्तिकै आक्रमक रुपमा प्रचार प्रशारमा उत्रिएको नगर संयोजक बालकुमार मगर विकासले बताए ।