गत वर्षको तुलनामा यो वर्ष मालपोत राजश्वमा बृद्घि

बिराटनगर,जेठ १४ गते । रातो तारा डट कम,मालपोत कार्यालय बिराटनगरका अधिकृत देवी प्रसाद भट्टराई र फाटका नासु लक्ष्मीनारायण निरौलाले दिएको जानकारी अनुसार साउन देखि बैशाख सम्मको मुद्धा सम्बन्धि  तथ्यांक, नामसारी ४४८  थान परेका निवेदन फछर्यौट भई कारवाही हुन ४ थान बाँकी रहेकाछन ।

हालसाबिक तर्फ २३०९ थान सबै फछर्यौट भएका छन भने संसोधनमा ६१९ थान र दाखा निवेदन २१८ थान,सबै फछर्यौट भएका छन । हकसफाइ र जग्गा दर्ता सम्वन्धि निवेदन परेनन्।

सरकार वादी उजुरी २२ थान निवेदन दर्ता भएकामा सबै बाँकी रहेका र स्वबासी जग्गा दर्ता तर्फ ४६ परेका निबेदन मध्ये ११ थान फछर्यौट भई ३५ थान कारवाही हुन बाँकी रहेको जानकारी गराउनु भएको छ ।

यसरी हेर्दा साउन देखि बैशाख सम्मको मासिक प्रगति अनुसार उल्लेखित सबै श्रीसकहरुको जम्मा निवेदन संख्य ३६०५ थान निवेदन उपर कारवाही भई बाँकी ६१ थान कारवाही बाँकी रहेको पाईएकोछ ।

त्यसैगरी रजिष्टेशन तर्फका मालपोत अधिकृत गोैतमराज अमात्यले दिएको जानकारी अनुसार साउन देखि बैशाख सम्मको प्रगतिअनुसार जम्म रजिष्टेशन २४ हजार १४ थान रजिष्टेशन भएकाछन र महिलाकाहरुलाई २५ प्रतिसत छुट हुने भएकाले उनिहरुका नाममा बढी रजिष्टेशन भएको पाईन्छ ।

यसरी हेर्दा यो वर्ष ४० करोड ७२ लाख ११ हजार ५०० सय राजश्व उठेको अमात्यले बताउनु भयो ।
मालपोत लेखा अधिकृत सम्भु श्रेष्ठ र लेखापाल दुर्गा पोखरेलले दिएको जानकारी अनुसार बिभागले मालपोतलाई अरु वर्षको जसरी यो आ व मा यति लक्ष्य राजश्व पुगाउनु पर्छ भन्ने नभए पनि गत वर्षको तुलनामा यो वर्ष साउन देखि बैशाख सम्मको कुरा गर्दा पुँजि गत लाभ कर सहित रु ५६ करोड २ लाख ५८ हजार ४ सय १४रुपैयाँ उठेकोछ यो गत वर्षको तुलनामा राजश्वामा प्रगति भएको मान्नसकिन्छ ।