बेगनलाल निमाविमा शैक्षिक सामग्री सहयोग

विराटनगर,जेठ ४ गते । रातो तारा डट कम-मोरङको लखन्तरीस्थित बेगनलाल निम्न माध्यमिक विद्यालयका विद्यार्थीलाई शैक्षिक सामग्री वितरण गरिएको छ ।

दाता वल्र्डभिजन मोरङ–सुनसरी कार्यालयको सहयोगमा कक्षा १ देखि ५ सम्मका विद्यार्थीलाई ब्याग,पुस्तक, कापी,पेन्सीललगायत सामग्री वितरण गरिएको हो ।

विद्यालयमा आयोजित एक कार्यक्रमबीच वल्र्डभिजनका शैक्षिक कार्यक्रम प्रमुख उमेश साहले विद्यार्थीलाई शैक्षिक सामग्री हस्तान्तरण गर्नुभयो ।

विद्यालय व्यवस्थापन समितिका अध्यक्ष महेन्द्र ऋषिदेवको अध्यक्षतामा भएको कार्यक्रममा प्रधानाध्यापक कृष्णहरि घिमिरेले पिछडिएको र आदिवासी दलित समुदायको बाहुल्य क्षेत्रका विद्यार्थीलाई गरिएको शैक्षिक सामग्री सहयोगले पठन पाठनमा सकारात्मक सहयोग पुग्ने बताउनु भयो । घिमिरेका अनुसार विद्यालयका २ सय ५० जना विद्यार्थीलाई शैक्षिक सामग्री सहयोग गरिएको छ ।

वल्र्डभिजनका शैक्षिक कार्यक्रम प्रमुख उमेश साहले विद्यार्थीको पढाईमा सकारात्मक प्रभाव परोस भन्ने उद्देश्यले विद्यालयको भौतिक पूर्वाधार विकाससमेतमा संस्थाले यसअघि पनि सहयोग गरेको बताउनु भयो । विद्यालयमा संस्थाको सहयोगमा पक्की भवनसमेत निर्माण भएको छ ।