बसको ठक्करबाट दुई जनाको मृत्यु र अरू दुई घाइते

बिराटनगर, झिलझिले, जेठ ४ गते । रातो तारा डट कम-झापाको दुधे-झिलझिले सडकखण्डमा हिजो बुधबार साँझ बसको ठक्करबाट दुई जनाको मृत्यु भएको छ ।

मृत्यु हुनेमा शिवसताक्षी-८ झिलझिलेका ३५ वर्षीय आरके भनिने युवराज खरेल र सोही ठाउँकी २८ वर्षीय सावित्रा कार्की (संग्रौला) रहेको इलाका प्रहरी कार्यालय झिलझिलेले जनाएको छ ।

उनीहरु दुधेबाट झिलझिलेतर्फ मे. ७ प ८४४२ नम्बरको मोटरसाइकलमा आउँदै गर्दा स्थानीय प्रणामी मन्दिर छेउको सडकमा मे. १ ख २५३७ नम्बर बसले ठक्कर दिएको थियो ।

यसैबीच, मोरङको बेलबारी नगरपालिका-११ लक्ष्मीमार्गमा बुधबार मोटरसाइकल अनियन्त्रित भई दुर्घटना हुँदा दुईजना घाइते भएका छन् । घाइते हुनेहरुमा मोटरसाइकल चालक झापा लखनपुर-६ निवासी अर्जुन गुरुङ र पछाडि सवार प्रताप सुब्बा छन् ।

पूर्वपश्चिम राजमार्गमा पश्चिममतर्फ जाँँदै गरेको को. २८ प ९९९६ नम्बरको मोटरसाइकल अनियन्त्रित भई दुर्घटना भएको पूर्व क्षेत्रीय प्रहरी कार्यालय विराटनगरले जनाएको छ । घाइते दुवैजनालाई उपचारका लागि गोल्डेन अस्पताल विराटनगर पठाइएको छ ।