मेरिल्याण्ड कलेजका विद्यार्थी शैक्षिक भ्रमणमा विदेश जाने

विराटनगर, साउन ६ गते । रातो तारा डट कम, विराटनगरस्थित मेरिल्याण्ड कलेजका विद्यार्थी शैक्षिक भ्रमणमा विदेश जाने भएका छन् । कलेजले प्रत्येक वर्ष आफ्ना विद्यार्थीहरुलाइ शैक्षिक भ्रमणका लागि बेलायत पठाउने गरेको छ ।

यस वर्ष पनि कलेजका तिन जना छात्र छात्रा बेलायत तथा थाइल्याण्ड जाने भएका छन् । अन्तराष्ट्रिय शैक्षिक अनुभव दिने उद्देश्यले ऋषिका कोठारी, नविन कार्की बेलायतको विश्वविद्यालय र केशिका लक्ष्मि थापा थाइल्याण्ड विश्वविद्यालयको भ्रमणमा जान लागेका हुन् ।

१५ दिनको भ्रमणमा उनीहरुले त्यहाको विश्व विद्यालयको पठनपाठनको विषयमा जानकारी लिने छन् भने त्यहा आयोजना गरीने सांस्कृतिक कार्यक्रममा सहभागि भै नेपाली संस्कृतिलाइ समेत झल्काउने कलेजका प्रबन्ध निर्देशक भेषराज पोखरेलले जानकारी दिए ।

युनिभर्सिटि अफ ओल्भर ह्याम्पटद्वारा सम्बन्धन प्राप्त उक्त कलेजमा अध्ययनरत विद्यार्थीहरुले अनलाइन केक, जुत्ता लगायतका विभिन्न व्यवसायहरु सुरु गरिसकेको कलेजले जनाएको छ ।