सर्लाहीका जिल्ला शिक्षा अधिकारी १२ घण्टापछि अख्तियारको पन्जाबाट छुटे, मोरंङ शिक्षा कार्यलयको भ्रष्टाचार माथि पनि छानबिन हुनुपर्छ

काठमाडौ साउन १४ गते । रातो तारा डट कम,
अख्तियार दुरुपयोग अनुसन्धान आयोगको सम्पर्क कार्यालय बर्दिबास, महोत्तरीले छानबिनका लागि नियन्त्रणमा लिएको सर्लाहीका जिल्ला शिक्षा अधिकारी होमनाथ सुवेदीलाई १२ घण्टापछि शुक्रबार छाडेको छ ।

शुक्रबार दिउँसो नियन्त्रणमा लिएर अनुसन्धान शुरु गरिएको सुवेदीलाई राति करिब १० बजे कार्य क्षेत्रमा फर्काइएको छ । रु छ लाख ९५ हजारसहित पक्राउ परेका सुवेदीलाई साउन १८ गते प्रमाणसहित कार्यालयमा उपस्थित हुने गरी छाडिएको हो ।

बाह्रघण्टे अनुसन्धानका क्रममा सुवेदीले सो रकम आफ्नो भएको जिकिर गरेकाले सप्रमाण कार्यालयमा उपस्थित हुने गरी तत्कालका लागि नियन्त्रणमुक्त गरिएको आयोगको क्षेत्रीय सम्पर्क कार्यालय बर्दिबासले जनाएको छ ।

शुक्रबार सर्लाहीबाट भारतीय नं प्लेटको बोलेरो जिपमा चितवनस्थित घरतर्फ गइरहेका बेला प्रहरीले सुराकीका आधारमा जाँच गर्दा सुवेदीलाई रकमसहित चितवनबाट नियन्त्रणमा लिएको थियो । एक वर्षदेखि सुवेदी सर्लाहीको जिशिअका रुपमा कार्यरत छन् ।

जिल्ला शिक्षा कार्यलय मोरंङमा २०७४ असार मसान्तसम्ममा
भएको भ्रष्टाचारको पनि छानबिन हुनुपर्छ भन्दैछन् केही शिक्षाक अभिभावकले ।

पुराना सामान प्रयोग गरेर बनाइएको भवनको नयाँ बिल पास, शिक्षक सुबिधा र बाल बिकासहरूको सुबिधामा घोटला निजि स्कुल अनुगमन गर्ने शाखाले मनपरि गर्दा निजि स्कुलहरूले गरेको अभिभावक माथिको स्वसण गराएको घोटला, लेखाले गरेको घोटलाको छानबिन हुनुपर्छ ।


यस कार्यलय भित्रको के के हो के के ? अनियमितताको लरो तान्दा परो झर्ने जस्तो छ, जे होस जिल्ला शिक्षा कार्यलय मोरङमा अति भो छानबिन हुनुपर्छ ।