मिनी बस दुघटनामा २० घाइते

(फाएल फोटो)
विराटनगर साउन ९ गते। रातो तारा डट कम,जोगबनीबाट विराटनगरतर्फ आउँदै गरेको यात्रुबाहक मिनी बस पल्टदा
बीस जना यात्रु घाइते भएका छन् ।

विराटनगरको मलाया रोडको नहर नजिकै को१ख ४१४ नम्बरको बस सोमबार दिउँसो पौने दुई बजे पल्टिएको इलाका प्रहरी कार्यालय रानीले जनाएको छ ।

नियन्त्रण गुमाएर सडक नजिकै पल्टिएको बसका घाइते यात्रुलाई कोशी अञ्चल अस्पताल पठाइएको प्रहरी निरीक्षक रामकुमार यादवले जानकारी दिएका छन । यादवले भने,‘धेरै यात्रु बोकेर अधिक गतिमा चलाएकोले बस पल्टिएको हुन सक्ने अनुमान छ ।’ यादवले बसमा रहेका सबै यात्रु घाइतेको अवस्था खुलि नसकेको जानकारी दिएका छन् ।

विराटनगरबाट भारतको जोगबनी बजारमा किनमेल गरी फर्किएका यात्रु बसमा सवार रहेको र घाइतेको विवरण खुल्न बाँकी रहेको प्रहरीले जनाएको छ ।