हराएको मोटरसाइकल ट्राफिक प्रहरीले फेला पारे

मोरङ,साउन १६ गते । रातो तारा डट कम,
विराटनगरबाट दुई दिन अघि हराएको मोटरसाइकल प्रहरीले फेला पारी धनिलाई बुझाईएको छ।

यही साउन १३ गते राती बिराटनगरस्थित कोशी अंचल अस्पतालको प्राङगणबाट को १० प २४९१ नम्बरको खैरो पल्सर मोटरसाइकल हराएको थियो ।

अस्पताल प्राङगणमै पार्किङ गरि राखेको मोटरसाइकल हराएको भनि पिडितले ट्राफिक प्रहरी कार्यालयमा निवेदन दिएपछि मोटरसाइकल खोजीमा प्रहरीले सकृयता देखाएको कारण विराटनगर ४ राजवंशी चौकमा बेवारिसे अवस्थामा फेला पारीएको हो।

उक्त मोटरसाइकल सम्बन्धित सवारी धनि धनकुटा छिन्ताङ ३ बस्ने कृष्ण राईलाई बुझाइएको छ।