अझै खुलेन खोकेभोसी सडक खण्ड-केराबारी पुग्न दुई जिल्ला काटेर जानुपर्छ

युवराज ठकुरी,सिंहदेवी,मोरङ, भदौ १४ गते । रातो तारा डट कम,उत्तरी मोरङ केराबारी गाउँपालिकाका पहाडी वडा हुँदै चौविसे धनकुटाको समेवा सम्म जाने खोर्साने, केराबारी, भोगटेनी (खोकेभोसी)सडक खण्ड अबरुद्ध भएको तीन हप्ता बितिसक्दा पनि खुल्न सकेको छैन ।

साउनको अन्त्त्यमा आएको अविरल वर्षात पछि उक्त सडक खण्डको केराबारी-३भोगटेनी एक्लेटार ,बागखोर र विभिन्न ठाँउमा पहिरो खसेकाले अबरुद्ध भएको हो। एक्लेटारमा सडक खण्ड नै पन्ध्र मिटर जति बगाएको र अन्य ठाउँहरुमा माथिबाट पहिरो खसेर पुरेको छ।

केराबारी गाउँपालिका-९, ५ का विभिन्न ठाउँहरुमा बाढी र पहिरोले धनजनको क्षतिका कारण गाउँपालिका प्रतिनिधि / संयन्त्र नै राहत वितरण र उद्दारमा जुट्नुपरेकाले र वर्षात नरोकिएकाले बाटो खोल्न ढिलाइ भएको गाउँपालिकाका प्रतिनिधिले जनाएका छ्न।

बाटो अबरुद्ध भएपछि केराबारी गाउँपालिका-२ सिंहदेवी गाउँपालिका कार्यालय जान दुई जिल्ला काटेर जानुपर्ने बाध्यतामा परेका छ्न।केराबारी जान धनकुटा राजारानी भेडेटार धरान इटहरी हुँदै जानुपर्दा एकदिनको काम तीनदिन लाग्ने स्थानीय बासिन्दाहरू बताउछ्न।

दुई घन्टामै पुग्ने केराबारी बाटो अबरुद्ध भएपछि दिनभरी लाग्ने र एकोहोरो भाडा तीन सय देखि पाँच सय सम्म बेहोर्नु पर्दा यात्रुहरू मार्कामा परेका छ्न।गाउँपालिका कार्यालयको ध्यानाकर्षण कतैबाट नभएर या के कारणले बाटो खोल्न ढिलाइ भएको हो बुझ्न नसकिएको केराबारी सिंहदेवीमा संचालित पिकाअपका अरुण लिङ्दम बताउछन् ।