प्रसिद्ध शक्रिपीठ सिद्धकालीमा भक्तजनहरुको घुइचो

मोहन राई -संखुवासभा असोज ११ गते । रातो तारा डट कम,
पूर्वाञ्चलको प्रसिद्ध तिर्थस्थल एवं धार्मिक शक्तिपीठ संखुवासभा स्थित सिद्धकाली मन्दिरमा श्रद्धालु भक्तजनहरुले पुजा आरधाना गरी घरघरमा फुलपाती भित्रयाउन घुइचो लागेका छन् ।

स्वास्थानी ब्रतकथामा उल्लेख भएको सत्यदेवीको दाहीने आँखा पतन भएको ठाउँ सिद्धकाली मन्दिरमा परापूर्वकाल देखि नै वडादशैको नवरात्रमा नवैदिन पूजा आरधना गर्ने गरेको यस मन्दिरमा दशैको फुलपातिको दिन विहान सवेरै देखि टाढा टाढादेखि श्रदालु भक्तजनहरु हजारौको संख्यामा घुइचो लागेको थियो  ।

विशेष गरेर फुलपातिको दिन उखु, फलफुल, वेलपत्र पुरानो–चैनपुरबाट विहान सुद्धरुपमा ल्याई मन्दिरमा भगवतीको आरधना गर्दै वोका परेवा हाँस लगातको वलि दिएर पुजा आरधाना गरी फुलपाती भित्राउने गरेको मन्दिरका पुजारी टंकनाथ महन्तले वताएका छन् ।

फुलपाति पर्वको अवसरमा पञ्चैबाजागाजाका साथ स्थानीय प्रहरी कार्यालयबाट पुजाअर्चना गरेपस्चात शसस्त्र पहरी अरुण गुल्म संखुवासभा  र इलाका प्रहरी कार्यालय चैनपुरको संयुक्त टोलीले वडाइका साथ सलामी अपर्न समेत गरेको
थियो ।

आफ्नो मनोआकांक्षा पुरा हुने ,सिद्धकाली देवीको भाकल गरेपछि आफले सोचेको पुरा हुने धार्मिक विश्वास रहेकोहुँदा सबैको भक्तिभाव वडेको मन्दिर संरक्षण समितिका अध्यक्ष एवं चैनपुर नगरपालिका मेयर भरतकुमार खत्रीले वताउनु
भयो । सिद्धकाली मन्दिरलार्इृ नेपालकै प्रख्यात पर्यटकिय धार्मिक स्थलको रुपमा विकास गर्ने सोच रहेको खत्रीले वताउनुभयो ।