बालबालिकालाई स्वीटर बितरण

उर्लाबारी, पुस २३ गते । रातो राता डट कम,मोरङको उर्लाबारी–८ स्थित बहादुर बाबा चौधरी आधारभूत विद्यालयका ७० जना बिद्यार्थीहरुलाई स्वीटर आज वितरण गरिएको छ ।

सेतो गुँरास विराटनगरकी सीता सिग्देल र सामुदायिक विकास मञ्च उर्लाबारीले बिद्यालयमा पुगेर स्वीटर प्रदान गरेका हुन् । सिग्देलले ब्यक्तिगत लगानीमा ४० वटा स्वीटर खरिद गरी बिद्यार्थीहरुलाई वितरण गरेकी हुन् ।

मञ्चलाई सूर्य साकोस का अध्यक्ष तेजनाथ घिमिरे र उर्लाबारी वडा नं. ६ का वडाध्यक्ष चिन्तामणी पौडेलले ३० वटा स्वीटर सहयोग गरेका थिए । विद्यालय ब्यवस्थापन समितिका अध्यक्ष सुरेश अधिकारीको प्रमुख आथित्यामा भएको थियो ।

कार्यक्रममा उर्लाबारी वडा नं. ६ का वडाध्यक्ष चिन्तामणी पौडेल, सदस्य सचिन शाक्य, सेतो गुँरास विराटनगरकी सीता सिग्देल, उर्लाबारी वडा नं. ८ का वडा सदस्य लक्ष्मी ढुंगानालगायतले बोलेका थिए ।

मञ्चका अध्यक्ष ढुण्डीराज भट्टराईको सभापतित्वमा कार्यक्रम भएको  थियो ।