गछीया जेसीजको पदस्थापन कार्यक्रम सम्पन्न

शिव भट्टराई - मोरङ माघ १६ गते । रातो तारा डट कम,
गछीया-गछीया जेसीजको चौथो पदस्थापन तथा पुरस्कार वितरण कार्यक्रम मंगलबार सम्पन्न भएको छ ।

सुन्दरहरैंचा नगरपालिकाका मेयर शिवप्रसाद ढकाल प्रमुख अतिथि रहेको कार्यक्रमको संयोजक जेसी टेकेन्द्र श्रेष्ठ रहेका थिए । सो पदस्थापन कार्यक्रम जेसी नेत्रप्रसाद दुलालको सभापतित्वमा सम्पन्न भएको थियो ।

मंगलबारको पदस्थापन कार्यक्रमबाट गछीया जेसीजको जेसी मदन दाहाल र जेसी कमल दाहाललाई कार्यकारीणी उपाध्यक्षमा  बनाइएको छ । त्यसैगरी उपाध्यक्षहरुमा जेसी नवीन वराल, मनोज राई, सुरेश अधिकारी र सुमिता रहेका छन् ।

महासचिवमा भने प्रदीप विष्ट चयन भएका छन् । सचिवमा पप्पु साह र कोषाध्यक्षमा राजु खतिवडा रहेका छन् ।  गछीया जेसीजको कानूनी सल्लाहकारमा ध्रुव पोखरेल र जनसम्पर्क समितिमा टेकेन्द्र श्रेष्ठ रहेका छन् ।

सो अवसरमा कार्यक्रमका प्रमुख अतिथि शिवप्रसाद ढकालले जेसीजले सामाजिक कार्यमा निरन्तर लागिरहनु पर्ने बताएका थिए । सो कार्यक्रममा जेसीजका राष्ट्रिय उपाध्यक्ष अमेश ढकाल र वडा नम्बर ७ का अध्यक्ष चैतन्य सिटौला लगायतले शुभकामना मन्तव्य ब्यक्त गरेका थिए ।