कोलकतालाई हराउँदै मनाङ्ग फाइनलमा

शिव भट्टराई,सुनसरी- माघ ११ गते । रातो तारा डट कम,मदन भण्डारी स्मृति इटहरी गोल्डकपमा मनाङ मस्र्याङ्दी क्लब फाइनलमा पुगेको छ । इटहरीको क्षेत्रीय रंगशालामा बिहिबार भएको दोस्रो सेमिफाइनल खेलमा गरिफा स्पार्टिङ्ग कोलकतालाई ० का विरुद्ध ३ गोल अन्तरले हराउँदै मनाङ्गले फाइनलको यात्रा पक्का गरेको हो । पहिलो हाफको निर्धारित समयमा दुबै टिमबाट गोल हुन सकेन ।

दोस्रो हाफको २ मिनेटमै मनाङ्गका सुजल श्रेष्ठको पासमा सन्तोष साहुखालले गोल गर्दै खाता खोले । मनाङ्गले गोल हानेपछी गरिफा निकै आक्रमक बनेको थियो । दोस्रो हाफको २२ औं मिनेटमा सन्तोष साहुखालले थप १ गोल गर्दै टिमलाई अग्रता दिलाएका थिए । खेलको ३० मिनेटमा मनाङ्गको तर्फबाट विमल रानाले थप १ गोल गर्दै आफ्नो टिमको पक्षमा ३ गोल बनाए । गरिफाले गोल फर्काउने निकै कोसिस गरेपनि सफल हुन सकेन । खेलको म्यान अफ द म्याच मनाङ्गका सन्तोष साहुखाल घोषित भए ।

बुधबार त्रिभुवन आर्मी क्लब काठमाडौलार्ई ५–३ गोल अन्तरले हराएको थ्रि स्टार क्लब काठमाडौ र मनाङ् मस्र्याङ्दी क्लब काठमाडौ बिच शनिबार फाइनल खेल हुने भएको छ । प्रतियोगितामा प्रथम हुनेले नगद १२ लाख, दोस्रो हुनेले नगद ६ लाख पाउने आयोजक राष्ट्रिय जागृती क्लब इटहरीका अध्यक्ष सञ्जीव ढुंगानाले बताए ।