वडा समितिको कार्यालयमा जनताले ताल्चा ठोके

बिराटनगर माघ १५ गते । रातो तारा डट कम, प्रदेश नम्वर १ उदयपुर जिल्लाको बेलका नगरपालिका वडा नम्वर १ का जनताले आफनै वडा कार्यालयमा आज तालावन्दी गरेका
छन ।

नगरपालिका गठन भए पछि बेलका नगरपालिकाले भदौ ४ गते पहिलो नगर सभा गरेको थियो । उक्त नगरसभाबाटै पारित गरेर पुरानो ठाउँबाट वडा नम्वर १ को वडा कार्यालय भालवन्तीमा सार्ने निर्णय भएको र सो निर्णय अनुसार मन्त्रालयले पनि स्ववीकृत गरि वडा वासिहरुको निवेदन माग अनुसार नै सार्न मेयरको पनि मन्जुरी रहेकोले,सार्न भन्दा भन्दै नसारेको भन्दै आज १ नम्वर वडा वासीहरुले कार्यालयमा तालचा लगाएका हुन ।

बेलका नगरपालिका वडा नम्वर १ का जनताले जनतालाई पाइक पर्ने ठाउँमा वडा कार्यालय सार्न पहिला देखिनै वडा अध्यक्ष दिनेश्वर चौधरीलाई माग गर्दै आएका र अटेर गरेको भन्दै ताला लगाईदिएको वडा वासी जनताले भनेका छन ।