जेफालेमा सृजना वाचन तथा शुभकामना आदानप्रदान गरिने

युवराज ठकुरी/सिंहदेवी,मोरङ पुस २३ गते । रातो तारा डट कम,उत्तरी मोरङको पर्यटकीय स्थान केराबारी -२,सिंहदेवीमा रहेको जेफाले भ्यु टावरमा कक्फेक्वा तङ्नामको अवसर पारेर उत्तरी मोरङ साहित्य मन्चले पुस २९गते शनिबार सृजना वाचन तथा शुभकामना आदानप्रदान कार्यक्रम गर्ने भएको छ।

 पर्यटकीय क्षेत्रको प्रचारप्रसारमा पनि सहयोग पुग्ने र धेरै  सृजनशील व्यक्तिहरूको जमघट गराउने उदेश्यले किराँतहरुको चाड कक्फेक्वा तङ्नामको अवसरमा अग्रिम कार्यक्रम गर्न लागिएको सस्थाका उपाध्यक्ष राजेश किराँती लिम्बूले बताए।

उत्तरी मोरङ साहित्य मन्च गत वर्ष सन्देश तुम्बापोको अध्यक्षतामा गठन भएको थियो। जेफालेमा गत विगत दिनहरुमा गजल साझ,गजल प्रतियोगिता र लोकगीत प्रतियोगिता सम्पन्न भइसकेको छ।

सधैं जेफालेको फेदीमा हुने कार्यक्रम यसपटक भने जेफाले टावरमा गर्ने आयोजकले बताएका छन् ।